التعليم

ما تريد معرفته عن تخصص فرع التمريض في سوريا

ما تريد معرفته عن تخصص فرع التمريض في سوريا

ما تريد معرفته عن تخصص فرع التمريض في سوريا

مناهج عربية

ما تريد معرفته عن تخصص فرع التمريض في سوريا

التمريض بينقسم لقسمين مدرسة وكلية
المدرسة هي عبارة عن 3سنين تابعة لوزارة الصحة مالها علاقة بوزارة التعليم العالي بتسجل عليها خارج المفاضلة وبتعمل فحص مقابلة وحسب الطلب والشواغر بينقبل
المدرسة ملزمة يعني بتتخرج من هون بوجهك بتتثبت بالمشفى
اما الكلية والي عم ادرسها انا فهمي عبارة عن 4سنين
بعد صدور المفاضلة الأولى بكونو حاطين موعد للتسجيل لفحص المقابلة الي مابسجل وبقدم علي مابينقبل حتى لوحطا برغبات المفاضلة
كل سنة عم تتغير مفاضلتها وتختلف من جامعة لجامعة
موجودة ب تشرين(اللاذقية) حلب وحماه
مليئة بالمغامرات موادها من السهلة الى المتوسطة بالصعوبة
السنة الاولى سهلة جدا موادها بسيطة
بتجيك السنة التانية بيتقل العيار شوي
التالتة اخف مانها صعبة كتير
الرابعة ويامحلا الرابعة
بالنسبة للدوام عندك دوام بالمخابر ودوام بالمشفى تشتغل بإيدك وتتعرف ع الجو وع المشافي وتشوف المرضى وكيف تتعامل معهن بيبدا الدوام بالمشافي من السنة التانية
بيجيك بالآخر الامتحان الوطني الموحد بيتضمن 5مقررات من كل السنوات وهاد الامتحان شرط للتخرج وإذا جبت في علامة كويسة بحقلك تكمل ماجستير وبتختص ع اساسو
الماجستير بجامعة تشرين هاد بالنسبة للكلية
في شي اربع او 5اختصاصات ماجستير للتمريض
هاد بالنسبة للدراسة
بنجي للحياة العملية وللشغل وهي احلا شغلة انو انت ك طالب تمريض وين مارحت فينك تلاقي وظيفة مشفى مستوصف عيادة صيدلية فينك تشتغل فيها والاحلى من هيك وانت عم تدرس بيقبلوك بالمشافي الخاصة يعني من السنة التانية بتحسن تبلش تمارس مهنتك وتضرب عصفورين بحجر ومن هون للتخرج بكون كسبت مهارة عالية وخبرة وبس تاخد الشهادة ومعك خبرة بصير اي مشفى بيقبلك
شوية تعب ع حالك  بتبدع بالفرع وبتتميز وبتتألق
هامش : الممرض عم يتعامل مع كل انواع المرضى نفسيين وعقلين ويواجه ويتحمل هالصعوبات بالتعامل مع هاد النوع
الممرض بكون ايدو اليمين للدكتور بغرفة العمليات والاختصاصات صارت كثيرة يعني شغلة السيروم وضربة الابرة مو هي الشغلة الاساسية بالتمريض التمريض صار كلية وجامعة

مقالات ذات صلة

زر الذهاب إلى الأعلى