منح الجامعات الخاصة في سوريا
منح الجامعات الخاصة في سوريا
منح الجامعات الخاصة في سوريا
اول شي المنح بتكون لكل انواع الاختصاصات الموجودة بالجامعات الخاصة يعني مو كل الاختصاصات
يلي ما طلعلو تحضيرية ع 0.1 او 0.2 من العلامة بيطلعلو اسنان
ويلي رايحلو 0.1_0.5 بيطلعلو صيدلة طبعا حسب كل جامعة شو طالبة معدل وبيختلف من سنة لسنة وفي أغلب الأحيان بكون الطب البشري والأسنان أعلى من التحضيري
وبالنسبة للهندسات هي ع حسب التقديم ممكن يكون ناقصك ٣٠٠ علامة أو ٤٠٠ علامة عن العام وتطلعلك
هندسة العمارة تحديدا لازم تكون ناجحين بامتحان الرسم لحتى تقدرو تقدمو عليها وتنقبلو مثلا قدمتو امتحان الرسم وبعد ما نجحتو ما طلعلكن الفرع ع كم علامة وقتها ممكن تنقبلو بالخاصة
ولكل الفروع نفس الخطة
التسجيل ع المنح في مفاضلتين الاولى بتطلع بتلاقو المعدلات كتيييييير نازلة مثلا للصيدلة بيطلبو 218 تخيلو وللهندسات بتوصل لل 190 هون انتو بتروحو بتسجلو بتاخدو معكن نسخة عن الشهادة وطوابع بعد ما تقدمو بتطلع المفاضلة التانية وبترتفع المعدلات اكتر من عشر علامات يعني المفاضلة الاولى والارقام الموجودة هي عبارة عن كذب لا تعتمدو عليها وساوو متل ما قلتلكن فوق ما بحقلكن الا اذا رايحلكن اقل من الفرع بأجزاء واقصى حد علامة ..
ع المفاضلة التانية في مرحلتين اولى وتانية
بعد المرحلة الاولى بيرجع بينعاد الفرز
في طلاب بكونو رغباتها مرفوضين بالمرحلة الاولى بس بتنقبل بالتانية
وفي طلاب بكون طالعلهن فرع بالمرحلة الاولى وبيتغير الفرع او الجامعة للرغبة الاعلى مو الادنى
لطالب المنحة في عدة تقدمات لكل جامعة شكل
في جامعات بتقدملهن محاضرات مجانية وجامعات كتب مجانية وغيرهن مواصلات.
الجامعات ضمن دمشق انتقلت ع المقرات الاساسية ع طريق درعا
والمواصلات ع الطالب .
المنح ما بتطلع بالفصل الاول يعني لتداومو فصل بالفرع يلي اخترتوه او اذا فورا سجلتو بالخاص .. وقبل امتحانات الفصل الاول بتطلع نتائج المنح بس لازم تعرفو انو يلي بسجل ع المنحة وبتطلعلو ما بعود يحقلو يكمل بجامعة دمشق لانو الدولة ما رح تتكفل عليكن بفرعين سوا وبكون ترقن قيدو
