التعليم

ما تريد معرفته عن تخصص طب الاسنان في الجامعات السورية 

ما تريد معرفته عن تخصص طب الاسنان في الجامعات السورية

ما تريد معرفته عن تخصص طب الاسنان في الجامعات السورية

مناهج عربية

ما تريد معرفته عن تخصص طب الاسنان في الجامعات السورية

السنة الثانية

الفصل الأول:

عربي و قومية ولغة وهدول مواد معدل

وجنين وتشريح ورسم ونحت الاسنان ومواد سنية ونسج عام وتشريح رأس وعنق

التكاليف هالفصل بتشتري أدوات نحت وصابون وشمع ودفتر رسم وألوان و ممكن ألجينات (مادة أشبه بالعجينية لأخذ طبعة الأسنان وطبعاً بتدربو فيها عبعض)ودفتر رسم وألوان

المبلغ لا يتجاوز 15 الف

————————————————

الفصل الثاني:

نسج خاص ومواد سنية 2 وكيمياء طبية ومداواة أسنان محافظة وأحياء دقيقة وتعويضات ثابتة….الخ

التكاليف هالفصل فيه دفعة مرتبة بدك تشتري :

ميكرووتور (محرك صغير لتشغيل القبضة) + قبضة + فرازاكو (مجسم اكريلي يمثل الفكين والأسنان) + سنابل للقبضة(أدوات دوارة شبيهة بالإبرة لحفر وتحضير الأسنان ) + وأسنان اكريل(مادة شبيهة بالبلاستيك) للتدريب

المبلغ بحدود 100 ألف

________________________

السنة الثالثة

الفصل الأول:

تشريح مرضي عام وطب وقائي وجراحة صغرى وعلم نفس وامراض باطنية وفيه ستاج جراحة بالمشفى….الخ

التكاليف هالفصل نفس أدوات الفصل السابق ممكن تشتري أدوات ثانوية وأسنان اكريلية و ترميمات تجميلية ومعدنية وأدوات صقل وتلميع وإنهاء

المبلغ بحدود 40 ألف

——————————————-

الفصل الثاني:

أدوية وتعويضات متحركة وأشعة وأمراض عين وأذن وحنجرة وعلم الإطباق ….. الخ

التكاليف

مطبق معدني (هيكل يمثل الفكين توضع عليه الأمثلة المأخوذة من المريض)

إكريل بارد (مسحوق وسائل)

أفلام أشعة (بتاخدو صور أشعة لبعض)

ومحاليل لتحميض الأفلام

هون التكاليف متباينة بين الطلاب يعني ممكن تخرب 10 افلام وتكبا

المبلغ تقريباً 40 ألف

___________________________

السنة الرابعة:

هون الحياة السريرية الجديدة و سنة المفاجآت

والعملي بيصير تطبيف على المرضى

تخدير وقلع بالعملي بينطلب منك تقلع 10 أسنان لمرضى كل فصل

أمراض فم بينطلب منك تقريبا تعمل دراسة تشخيصية ل 8 مرضى كل فصل

أمراض نسج حول سنية بينطلب تقريبا 8 حالات (يعني تنظيف أسنان و كل 6 أسنان هنن حالة)

تعويضات متحركة بينطلب تعمل جهاز متحرك جزئي لمريض واحد كل فصل

مداواة لبية (استئصال عصب السن) بينطللب تقريبا 8 حالات على اسنان مقلوعة وليس على مرضى , والفصل الثاني بتصير على مرضى

تقويم الأسنان ما في مرضى بيكون الشغل عالأسلاك والتحاليل التقويمية

أطفال مطلوب تقريبا 6 حالات لأطفال

ملاحظة: امتحانات العملي بالتخدير والقلع والمداواة المحافظة لازم تجيب مريض

ملاحظة تانية : امتحان عملي تقويم الأسنان مثلاً إجا لفئتي سؤال واحد(اصنع شجرة عيد ميلاد من سلك التقويم)

التكاليف كبيرة كتيرهالفصل

أدوات معدنية وقبضة توربين و مخدرات و أبر وأدوات لبية وأدوات لثة وأسلاك تقويم

المبلغ بحدود 200 ألف قابل للزيادة أو النقصان

__________________________

السنة الخامسة:

سريرية متل الرابعة ونفس المواد بتنعاد بس مع خبرة وشغل أكتر

مثلا بينطلب قلع جذور أسنان فقط أما بالرابعة قلع أسنان كاملة (طبعا الكاملة أسهل لأنها واضحة وبازغة)

وأطفال ومداواة وتقويم نفس مبدأ الرابعة

وفيه مادة جديدة يلي هيي جراحة و زراعة أسنان ما فيها مرضى

العملي بيكون تعلم اساسيات الجراحة

التكاليف بحدود 150 الف أقل من الرابعة لأنو أدواتك نفسا مشتريها السنة السابقة فالتكاليف بتكون لمخبري الاسنان و السنابل والمخدرات والترميمات

______________________

ملاحظة 1 : التكاليف بتختلف من طالب لتاني يعني ممكن أنت تتدرب وتكب وتخرب أسنان اكريلية وسنابل وأفلام أشعة وأبر و مخدر وغيرك لا

ملاحظة 2: السؤال تبع شو الفرع يلي مستقبله أفضل!

السؤال مانو منطقي أبداً وكل واحد وشطارتو

فيه طبيب أسنان شهريتو ما بتتجاوز 40 ألف وفيه طبيب بعرفو بشهر واحد اشتغل ب 16 مليون

ولا واحد منهم مقياس إلك والموضوع بيختلف حسب تجهيزات العيادة وتعامل الدكتور مع المرضى

ملاحظة 3 : فرص الاختصاص نادرة يعني كل 300 طبيب لتلاقي 10 اختصاصيين

ملاحظة 4 : عدد الاختصاصات كبير تقريبا 10 اختصاصات ولكن الوصول إلى الاختصاص ليس بالسهل مثل طبيب البشري

ملاحظة 5 : فيه فائض بأطباء الأسنان بسوريا منذ عام 1995

ملاحظة 6 : طبيب الأسنان العام صار متل الطبيب البشري العام

يعني إذا مانك مختص فأنت بموقع ضعيف

ملاحظة 7 : أفضل الدول للعمل هنن العراق وسلطنة عمان والخليج وطبعاً الافضلية لألمانيا و اسبانيا و استراليا

ملاحظة 8 : فرص الاختصاص بروسيا هيي الأسهل على الاطلاق لكن مكلف بحدود 15 مليون ليرة ما بين قبول جامعي ولغة ومعيشة وسكن

ملاحظة 9 : ممنوع تشتغل بدولة أوروبية إذا ما خضعت لامتحانات صعبة ومقابلة وامتحانات عملي

الملاحظة_الأخيرة طب الأسنان اختصاص ممتع وحلو لكن مجهد كتير

مقالات ذات صلة

زر الذهاب إلى الأعلى