ما تريد معرفته عن تخصص العلوم الصحية في الجامعات السورية
ما تريد معرفته عن تخصص العلوم الصحية في الجامعات السورية
ما تريد معرفته عن تخصص العلوم الصحية في الجامعات السورية
العلوم الصحية
موجودة فقط بدمشق و حمص
كانت السنة الماضية :
بدمشق شي 218 عام و 215 موازي (فقط اختصاص تقويم اللغة و الكلام)
و بحمص شي 207 عام و 201 موازي (كل الاختصاصات المذكورة أدناه)
مدة الدراسة 4 سنوات
هالفرع بجنن كتير وأيا حدا بيطلعوا يسجل فيه
ومن اسمه بيعطي فكرة عن شو بتدرسوا ،كل عن الصحة والأمراض يعني بتحس حالك كأنك بكلية الطب
أول شي مواد الدراسة
طبعا بأول سنتين بتاخدوا مواد عامة متل الكل متل ثقافة و انكليزي و عربي وفيزياء و علم الخلية والوراثة و الجنين و التشريح والكيمياء والعلوم و الطفيليات و غير هيك بس مواادهن كتييير ممتعة بدراستها ولو إنه معتة شوي بس بتجنن دراستها.
تخيلوا إنكن بتدرسوا كيف بتتأسس الجرثومة وشو بتعمل وكيف بتكبر أو عن الجنين أو عن الفيزياء وكيف مبدأ التصوير الشعاعي يعني ممتع كتير هالفرع
مجالات العمل وشوفي بالكلية اختصاصات
المخابر إذا اختصيت هالفرع بتكون مهيأ للعمل بالمخابر والتصوير الشعاعي يعني مستحيل ، ما في مشفى إلا بدها 200 مخبري على الأقل أو كتير مخابر خاصة وعامة يعني شغله حلو كتير
المعالجة الفيزيائية
بظن كلكن بتعرفوا شو هي المعالجة الفيزيائية مثلاً واحد كان معه شلل انتوا بتعالجوه وبتدربوه عالحركات وبتشجعوه وفيكن تشتغلوا بالخاص و بالعام يعني حلوو كتيير
التغذية :
من أشهر الاختصاصات بهالكلية ، وقت تختصوا فيه بتكونوا مطلوبين كتير بمختلف المجالات وكلكن بتعرفوا شو يعني التغذية، مثلاً كيف بدي أعرف إذا الغذاء صحي أو لا كيف بدي أعرف إذا مطابق للجودة ولا لأ
وكيف بسمن وكيف بنحف وكيف منعالج بعض الأمراض الغذائية
يعني كل هاد بتدرسوه بالعلوم الصحية
ولسا كتير بتصير اختصاصات لأن الكلية جديدة و في أفرع لهلأ ما افتتحت لهيك بتلاقوا الخريجين سهل يلاقوا شغل
