تجربة احدى طالبات تخصص التصميم الداخلي جامعة جدة  

تجربة احدى طالبات تخصص التصميم الداخلي جامعة جدة

تجربة احدى طالبات تخصص التصميم الداخلي جامعة جدة

مناهج عربية

تجربة احدى طالبات تخصص التصميم الداخلي جامعة جدة

تجربة وحدة عن تخصص التصميم الداخلي

التصميم الداخلي يتميز بانو تخصص جدا جدا جدا ممتع يعني طول ما انتي بتدرسي وانتي فعليا حتتمتعي

التصميم الداخلي: تخصص متشعب جدا لكن اساسه انك حتدرسي الفراغ الداخلي يعني مساحة فاضيه داخليه وانتي حتوزعيها
ايش يعني دا الكلام ؟
مثلا حيكون عندك الجدران الخارجيه لبيت وانتي حتبدأي تسوي دراسات ووتقسمي البيت من جوا يعني تقسي الجدران الداخليه الشبابيك البيبات

مثلا من ضمن الدراسات حتشوفي انك تحتاجي غرفه في دا البيت ومساحة الغرفه كذا ومكانها يكون مثلا بعيد عن الباب الرئيسي عشان الخصوصيه وهكذا
فانتي تبدأي تسوي توزيعات البيت من جوا كلها عن طريق دراسات معينه ومقاسات معينه حتتعلميها

بعد ما تقسمي الفراغات وتشوفي احتياج كل فراغ ومساحة كل غرفه وجزئيه حتبدأي تشوفي مواضع الابواب
بعدين حتبدأ الاشياء الحلوه
وحتتعلمو كيف توزعو الاثاث وكيف تصممو اثاث وحتتعلمو انواع الاضاءه وتوزيعاتها كمان وكيف نحط الاضاءات والالوان وتأثيرها ع نفسية الانسان

اما بالنسبه للديكور يختلف عن المصمم الداخلي بانو الديكور فقط تأثيث يعني تحطي اثاث وتحطي الوان بدون دراسات او توزيعع غرف وكذا
والمعماريين يكون اغلب شغلهم خارجي يسوو المبنى من برا واحنا نكمل الشغل من جوا

لكنه الممتع الممتنع
يعني هو اكثر تخصص حتكرفي فيه بس كرف ممتع
الاختبار حيكون اسئله عامه عن الالوان وانوعها والاشكال
وعن التلوين والرسم الهندسي

بس طبعا مو شرط تكوني رسامه او تعرفي ترسمي عشان تتخطي هذا الاختبار بس تحتاجو انكم تتدربو

الاختبار حيكون اسئله عامه عن الالوان وانوعها والاشكال
وعن التلوين والرسم الهندسي

بس طبعا مو شرط تكوني رسامه او تعرفي ترسمي عشان تتخطي هذا الاختبار بس تحتاجو انكم تتدربو

الاختبار حيكون بدايه السنه الجديده ثاني يوم ع طول وبعد اسبوع النتيجه

التخصص عباره عن ٣ سنين
اول سنه حيكون يدوي يعني حتتعلمي مهارات يدويه وترسمي رسم هندسي
ثاني سنه حتبدأو تتعلمو برامج وتطبقو ببرامج
ثالث سنه حيكون مشروع تخرج بالبرامج برضو

اول سنه حتاخذو سكني يعني يا اما بيت او فله او شقه وكذا
ثاني سنه الترم الاول حتاخذو اداري يعني مكاتب وشركات
ثاني سنه الترم الثاني حتاخذو تجاري وهو امتع شيء
يعني مول او محل ملابس او محل حلاوه او مطعم وكذا
ثالث سنه حيكون مشروع سياحي يعني شيء له علاقه بالسياحه واحياء التراث للمنطقه

بالنسبه للتكاليف صراحه نوعا ما ايوا فيه تكاليف حتشترو حاجات كثير
بس يعني حتقدرو تتقاسمو مع بعض انتو وبنات الشعبه وكذا

التخصص دا مرا يفيد الناس اللي ما يحبو الحفظ لانو غالبا مافي اي شي ينحفظ
الاختبارات تكون عمليه وتطبيق للي اخذتوه من قبل يعني يوم الاختبار تحطي رجل ع رجل وما تذاكري شي

غير ماده نظريه بتكون كل ترم وبسيطه باذن الله
والدراسه بالعربي بس المصطلحات حتكون انقلش واصلا سهله حتحفظوها ع طول كلها كم كلمه بس

صعوبة التخصص تكون فقط بالتسليمات انو كل شويتين حيطلبو تطبيق عملي وتسليم وممكن المشروع تسويه اكثر من مره عشان تعدلو حاجه بسيطه

المواد:
حتاخدو معماري وحتتعلمو المبادئ المعماريه

نظريات لون تتعلمو فيها الالوان وتاثيرها النفسي ع الانسان وكيف نطبق الالوان

الخامات وحتتعلمو انواع الخامات واستخداماتها

مبادئ انشاءات برضو حتتعلمو الاساسية حق الانشاء للمباني

نظم تحكم بيئي حتتعلمو فيه البيئه وتاثيرها ع المبنى يعني زي مثلا الشمس وسقوطها والرياح وكيف نعيق دي الاشياء يعني

وحتتعلمو كيف تعرضو مشاريعكم وكيف توزعوها وكيف تعرضو شغلكم للشركات وكذا

حتتعلمو كيف تصممو قطع اثاث

وحتتعلمو الاضاءه وانواعها وخواصها واحتياج كل فراغ

واهم ماده هي استديو وهي اللي حتطبقو فيها كل هذا الكلام ع المباني زي ما قلنا اول سكني وتجاري وسياحي واداري

وحتتعلمو ع البرامج وهي فوتوشوب والستريتر واوتوكاد وثري دي ماكس

نجي للسؤال المهم ايش حشتغل؟
اوهووووو حتتطفشو من كثر المجالات اللي ممكن تتوظفو فيها لاحظو انكم حتتعلمو اشياء مره كثير بغض النظر عن الشيء الاساسي اللي هو التصميم الداخلي وتوزيع الفراغات

ينقسم الشغل بدا المجال ل حاجتين
ياما تشتغلي لنفسك

يعني تسوي مشاريع بدون توظيف وتاخذي عليها سعر انتي تحدديه
او تشتغلي مع مهندس بالساعات يعني تحدديلو كم ساعه وسعر للمشروع وبدون توظيف
او تسوي مشاريع تخرج وكذا

او انك تتوظفي تابعه لجهه معينه
ممكن تتوظفي تعليم يعني مدرسه او معيده او تعطي دورات
ممكن تتوظفي تحت مهندس فانتي تظهري افكاره
وممكن تتوظفي تحت مصمم او مصممه داخلي فانتي تسوي الافكار هذي بالبرامج يعني يكون شغلك برامج
وممكن تتوظفي انك تصممي وتسوي افكارك بنفسك
وممكن تصممي واحد تحتك يسويلك الافكار ببرامج
اما الاماكن حتتوظفو بشركات خاصه بالتصميم الداخلي ومجالاته
او تتوظفو بمكاتب هندسه

Source: تجربة احدى طالبات تخصص التصميم الداخلي جامعة جدة  – مدونة المناهج السعودية